काठमाडौं – महालक्ष्मी विकास बैंकल र ग्राण्डी इण्टरनेशनल अस्पतालबीच सम्झौता  भएको छ ।  बैंकले ग्राहकका लागि स्वदेशमै गुणस्तरीय स्वास्थ्य सेवा प्रदान गर्ने उद्देश्यले ग्राण्डी इण्टरनेशनल अस्पतालसँग सहकार्यात्मक सम्झौता गरेको हो । 

हालै सम्पन्न सम्झौताअनुसार बैङ्कका ग्राहक, कर्मचारी तथा कर्मचारीका परिवारले अस्पतालको विभिन्न सेवामा १० प्रतिशतसम्म छूट पाउनेछन् । देशभर ८३ शाखाबाट बैङ्किङ सेवा प्रदान गर्दै आएको बैङ्कले आगामी दिनमा उक्त अस्पतालको सहकार्यमा संस्थागत सामाजिक उत्तरदायित्वअन्तर्गत विभिन्न स्वास्थ्यसँग सम्बन्धित कार्यक्रम गर्दै जाने सहमतिसमेत गरेको छ ।