काठमाडौँ – एनआईसी एशिया बैंकले तेह्रथुमको म्याङलुङ नगरपालिका वडा नं १ मा नयाँ शाखा स्थापना गरेको छ । म्याङलुङ नगरपालिकाका मेयर संजय कुमार तुम्बा हाङ्गफेले कार्तिक ११ गते भव्य समारोहका बिच उक्त शाखाको समुद्घाटन गरे ।

मुलुकभर २६४ शाखा कार्यालयहरु, २६४ एटिएम, २६ वटा एक्सटेन्सन काउण्टर एवं १८ वटा शाखारहित बैंकिङ्ग ईकाई मार्फत बैंकिङ्ग सेवा प्रदान गरिरहेको एनआईसी एशिया बैंकको वासलातको आकार रू. १९९ अर्ब भन्दा बढि पुगेको छ भने कुल निक्षेप करिब रू. १६७ अर्ब तथा कर्जा रू. १३९ अर्ब पुगेको छ । हालसम्म यस बैंकमा ग्राहकको संख्या करिब १३ लाख ५० हजार रहेको छ ।