काठमाडौं – एशियन लाईफ इन्स्योरेन्स कम्पनीले प्रदेश नं ५ बुटवलको शाखा कार्यलय अन्तर्गत कपिलवस्तुको तैलिहवामा नयाँ उपशाखा विस्तार गरेको छ ।

उक्त शाखा कार्यालयको उद्घाटन कपिलवस्तु नगरपालिकाका मेयर किरण सिंहले गरेका छन् । शाखा उद्घाटन कार्यक्रममा कम्पनीको बुटवल शाखाका मुख्य प्रबन्धक कृष्ण कुमार पुरी, उपशाखा प्रमुख अवदराम यादव र कम्पनीका अभिकर्ताहरु, स्थानीय पत्रकार, स्थानिय र विशिष्ट व्यक्तिहरुको पनि सहभागिता रहेको थियो ।

यस क्षेत्र अलि पिछडिएका क्षेत्र हो र यहाँका स्थानियलाई जोखिम हस्तान्तरण गर्न सिकाउन , अनिवार्य बचत, सुन्दर भविष्य बचत र बीमाको बारेमा थप जानकारी दिनको लागि हामीले यस क्षेत्रमा उपशाखा विस्तार गरेको बुटवल शाखाका मुख्य प्रबन्धक कृष्ण कुमार पुरीले बताएका छन् ।