काठमाडौँ – सिटिजन्स बैंक इन्टरनेसनल लिमिटेडले ‘सिटिजन्स बारा पर्सा हुरीपीडित राहत कोष २०७५’ मा जम्मा भएको रकम प्रधानमन्त्री दैवीप्रकोप उद्धार कोषमा जम्मा गरेको छ ।

बारा, पर्सा लगायत तराईका विभिन्न स्थानमा आएको भीषण हावाहुरीबाट प्रभावितका लागि राहत स्वरुप उक्त राहत कोषमा बैंकको तर्फबाट रू दस लाख र अन्यसहयोगी दाताहरूबाट जम्मा भएको समेत गरी दशलाख सैतिस हजार सन्तानब्बे रुपैयाँ सात पैसा मात्र बैंकले प्रधानमन्त्री दैवीप्रकोप उद्धार कोषमा जम्मा गरेको हो ।

बैंकले सामाजिक उत्तरदायित्व कार्यक्रम अन्तर्गत गरेको परोपकारी कार्यको लागि प्रधानमन्त्रीबाट बैंकलाई धन्यवाद ज्ञापन गरिएको जनाइएको छ ।