काठमाडौं – सिटी एक्सप्रेस फाइनान्सको १००% हकप्रद सेयर आउने भएको छ । संस्थाको उक्त सेयरले ग्रेड ५ रेटिङ प्राप्त गरेको छ । रेटिङ एजेन्सी केयर रेटिङ नेपालले यो हकप्रद सेयरलाई कमजोर आधार जनाउने रेटिङ दिएको हो । यस हकप्रदको बिक्री प्रबन्धकको काम लक्ष्मी क्यापिटलले गर्नेछ । 

सिटी एक्सप्रेसले १ सय रुपैयाँ अंकित मूल्यको ४० करोड २१ लख ४२ हजार रुपैयाँ बराबरको ४० लाख २१ हजार ४२० कित्ता हकप्रद सेयर खुला गर्न लागेको हो । कम्पनीले हकप्रद निष्कासन गर्न रेटिङ गराए पनि हालसम्म धितोपत्र बोर्डमा भने हकप्रद अनुमति माग्दै आवेदन दिएको छैन ।