">
काठमाडौं – इराक स्थित सिटी एक्सप्रेस मनि ट्रान्सफरका प्रतिनिधिले क्यान्सर पीडितलाई आर्थिक सहयोग गरेका छन् ।
ट्रान्सफरका विनोद श्रेष्ठ, कुर्दिस्तान प्रवासी नेपाली समाज सुलेमानी र हिमालयन शेर्पा युनिक ग्रुप को संयुक्त पहलमा स्तन क्यान्सर पिडित भोटेकोशी गाउँपालिका ५ निवासी पेम्बा डोल्मा शेर्पालाई उपचारको निम्ति आर्थिक सहयोग संकलन गरिएको हो ।
संकलनबाट जम्मा भएको कुल रकम १ लाख ९६ हजार ९ सय ६४ इराक सुलेमानीयाबाट सिटी एक्सप्रेसको अधिकारीक एजेन्ट अल ताईफ मार्पmत प्राप्त भई र थप १३ हजार ३६ सिटी एक्सप्रेस मनी ट्रान्सफर काठमाडौंबाट एक मुष्ट गरि कुल रकम २ लाख १० हजार प्रदान गरियो ।
सिटी एक्सप्रेस मनि ट्रान्सफरका प्रबन्ध निर्देशक चन्द्र टण्डनले उपचारको लागि कयान्सर पीडित ४८ बर्षिय पेम्बा डोल्मा शेर्पालाई उक्त रकम हस्तान्तरण गरे । विगत २ वर्ष देखि सिटी एक्सप्रेस मनि ट्रान्सफरले इराक स्थित अल ताईफ इस्लामिक बैंकसँग विप्रेषण सहकार्य गर्दै आईरहेको छ ।
