काठमाडौँ – माछापुच्छ्रे बैंकको ऋणपत्रमा मागभन्दा बढी आवेदन परेको छ । बैंकले ३ अर्ब रुपियाँ बराबरको ऋणपत्र जारी गरेको हो । उक्त ऋणपत्रमा ३ अर्ब ५ करोड बढीको आवेदन परेको हो ।

अहिले अधिकांश बैंकहरुले ऋणपत्र निष्काशन गरेका छन् तर सो बैंकका ऋणपत्र बिक्री हुन सकेका छैनन् । माछाले पछिल्लो समय सबै वित्तीय सूचकहरुमा तीव्र सुधार र लोभलाग्दो प्रगति गरेका कारणले बैंकको ऋणपत्रमा मागभन्दा बढी आवेदन परेको जानकारहरुले बताएका छन् । 

बैंकले कुन ऋणपत्रमध्ये १८ लाख युनिट प्राइभेट प्लेसमेन्टका लागि र १२ लाख युनिट सर्वसाधारणका लागि छुट्याएको थियो । यस्तै सर्वसाधारणका लागि जारी गरेको १२ लाख युनिटमध्ये ५ प्रतिशत सामूहिक लगानी कोषका लागि सुरक्षित गरेको थियो । ७ वर्ष अवधिको उक्त ऋणपत्रमा लगानीकर्ताले वार्षिक १०.२५ प्रतिशत ब्याजदर पाउने छन् ।