">
काठमाडौँ । पूर्वाधार क्षेत्रमा लगानी गर्ने उद्देश्यसहित आएको नेपाल इन्फ्रास्ट्रक्चर बैंकले आर्थिक वर्ष २०७५/७६को चौथो त्रैमासमा ६७ करोड १ लाख रुपैयाँ खुद नाफा आर्जन गर्न सफल भएको छ । बैंकले संचालनमा आएको छोटो अवधिमै यो नाफा आर्जन गरेको हो । यस अवधिमा बैंकले २० करोड रुपैयाँ निक्षेप संकलन गरी ७ करोड ८६ लाख रुपैयाँ कर्जा लगानी गरेको छ।
यता बैंकले ब्याज आम्दानी १ अर्ब १३ करोड ६६ लाख रुपैयाँ पुर्याएको छ भने २३ लाख ५१ हजार ब्याज खर्च रहेको सार्वजनिक वित्तिय विवरणमा उल्लेख छ ।
१२ अर्ब रुपैयाँ चुक्ता पूँजी रहेको बैंकको जगेडा कोषमा ७८ करोड ९८ लाख रुपैयाँ जम्मा रहेको छ । बैंकको प्रतिशेयर आम्दानी ६ रुपैयाँ ११ पैसा र बैंकको कोषको लागत ९.३४ प्रतिशत रहेको विवरणमा उल्लेख छ ।
यस्तै बैंकको कर्मचारी खर्चसहित जम्मा सञ्चालन खर्च १७ करोड ३० लाख रुपैयाँ रहेको छ । सरकारको १० प्रतिशत लगानी र बाँकी ९० प्रतिशत निजी क्षेत्रको लगानी रहेको नेपाल इन्फ्रास्ट्रक्चर बैंकले आठ अर्बको साधारण शेयर (आईपिओ) जारी गर्नेछ।
