काठमाडौँ । नेपाली एटीएमबाट रकम चोर्ने ५ जना चिनियाँलाई आइतबार प्रहरीले पक्राउ गरेको छ । शनिबार मध्यरातमा दरबारमार्गस्थित नवलि बैंकको एटीएमबाट पैसा निकाल्दानिकाल्दै पक्राउ परेका उनीहरुलाई प्रहरीले भर्खरै सार्वजनिक गरेको हो । नेप्स नेटवर्क अन्तरगतका एघार बैंक र सातवटा विकास बैंकहरुएटीएम अबरुद्ध भएका छन् । नेप्समा आबद्ध एटीएम नेटवर्कमा ठुलो समस्या आउने संकेत देखिएपछि नेटवर्क सेवा बन्द गरिएको छ। यी बैंकहरुमा अन्तरबैंक एटिएम सेवा बन्द भएको छ । अर्थात एउटा बैंकको एटिएमबाट अर्को बैंकको खातामा रहेको रकम झिक्न मिल्दैन । 

पक्राउ पर्नेमा ३५ वर्षका चेन विन विन, ३२ वर्षका झु लियाङ आङ, ३० वर्षका क्यु याङयिङ, ४० वर्षका लु जियालिङ, २९ वर्षका लिन जिनमिङ रहेका छन् । उनीहरुको साथबाट नेपाली रुपैयाँ १ करोड २६ लाख २९ हजार ४५ रुपैयाँ, हङकङ डलर ८०, चाइनिज युआन ११ सय ९१, केही अमेरिकी डलर, युरो र कम्बोडियाको मुद्रा पनि भेटिएको प्रहरीले जानकारी दिएको छ ।