काठमाडौँ । सेञ्चुरी कमर्सियल बैंक लिमिटेडका सञ्चालक लक्ष्मण कुमार श्रेष्ठले नक्कली सर्टिफिकेटकै आधारमा जागिर खाएको भन्दै विभिन्न निकायमा उजुरी परेको छ । नेपाल राष्ट्र बैंकले यस विषयमा खास चासो नदेखाएको भन्दै उनी विरुद्ध अख्तियार लगायतका निकायमा उजुरी परेको हो ।

उनलाई बैंकमा अन्यखाले अनियमितता गरेकोसमेत आरोप लागेको छ । विशेषगरी प्रथम कार्यकारी अधिकृत गणेश कुमार श्रेष्ठसँग मिलेर विभिन्न आर्थिक लाभसमेत लिएको आरोप लागेको छ ।

उनी बिगत लामो समयदेखि बैंकको संचालक समितिमा नक्कली सर्टिफिकेटकै आधारमा पदमा रहेको, बैंकभित्र विभिन्न खाले घोटालामा संलग्न रहेको लगायतका कुरा उजुरीपत्रमा उल्लेख छ ।