काठमाडौं – नेपाल स्टक एक्सचेञ्ज (नेप्से)मा दुई वाणिज्य बैंकको १ करोड ४१ लाख १३ हजार २७८.१९ कित्ता सेयर सुचिकृत भएको छ । बुधबारको कारोबारमा प्राइम कमर्सियल बैंक र ग्लोबल आइएमई बैंकको सेयर सूचिकृत भएको हो।
नेप्सेमा प्राइम कमर्सियल बैंकको १ करोड २८ लाख ५३ हजार २७८.१९ बोनस सेयर रहेको छ । प्राइमले आर्थिक वर्ष २०७४–७५ को नाफाबाट १६% बोनस सेयर वितरण गरेको थियो । सोही बोनस सेयर सूचीकृत भएको हो । यस्तै, ग्लोबल आइएमई बैंकको १२ लाख ६० हजार कित्ता सेयर थप भएको छ । हाथवे फाइनान्सलाई एक्वायर गरेपछि ग्लोबलको नामबाट १२ लाख ६० हजार कित्ता सेयर सूचीकृत गरिएको हो ।
