×

Live on

रेडियो अर्थ सरोकार

Listen to live radio.

माथिल्लो त्रिशुली १ जलविद्युत आयोजनाका लागि जुट्यो लगानी, यसो भन्छन् उर्जामन्त्री… (भिडियो रिपोर्ट)

GLOBAL IME BANK

माथिल्लो त्रिशुली १ जलविद्युत आयोजनाका लागि जुट्यो लगानी, यसो भन्छन् उर्जामन्त्री… (भिडियो रिपोर्ट)

१७ कार्तिक २०७६, आईतवार

पढ्न लाग्ने समय: १ मिनेटभन्दा कम

काठमाण्डौैं । माथिल्लो त्रिशुली –१ जलविद्युत आयोजनाका लागि आवश्यक लगानी जुटेको छ । कोरियन कम्पनीले निर्माणको जिम्मेवारी लिएको सो जलविद्युत आयोजनाका लागि आवश्यक लगानीसम्बन्धि सम्झौतामा शुक्रबार काठमाडौंमा गरिएको हो । उर्जा, जलस्रोत तथा सिचाई मन्त्री वर्षमान पुन र अर्थमन्त्री डा. युवराज खतिवडाको उपस्थितिमा काठमाण्डौैंमा कम्पनी र लगानीकर्ता अन्तराष्ट्रिय बैंक तथा वित्तिय संस्थाहरुबीच सो जलविद्युत आयोजनाका लागि ४५ करोड ३२ लाख अमेरिकी डलर लगानी गर्ने सम्झौता गरिएको छ । बाँकि ३० प्रतिशत रकम भने ईक्विटीबाट जुटाइएको छ । जस अनुसार विश्व बैंक समूहको अन्तराष्ट्रिय वित्त निगमले १६ करोड १३ लाख, एशीयाली विकास बैंकले ६ करोड, एशीयाली पूर्वाधार लगानी बैंकले ३ करोड ९६ लाख, कोरियन आयात बैंकले १० करोड, कोरिया डेभलप्मेन्ट बैंकले ३ करोड अमेरिकी डलर सो आयोजनामा ऋण लगानी गर्नेछन । कार्यक्रममा बोल्दै उर्जा, जलस्रोत तथा सिँचाईमन्त्री वर्षमान पुनले सो जलविद्युत आयोजनामा लगानी गर्ने सबै अन्तराष्ट्रिय बैंक तथा वित्तिय संस्थाहरुप्रति आभार व्यक्त गर्नुभयो । त्यस अवसरमा उहाँले सरकारले नेपालको जलविद्युत क्षेत्रमा लगानी गर्न अनुकूल वातावरण बनाएको पनि स्मरण गराउनु भयो ।
मन्त्री पुनले सरकारले उर्जा क्षेत्रको विकासका लागि बाह्य लगानी अनुकूलको नीतिगत, संरचनागत आधार पनि तय गर्दै गएको पनि बताउनु भयो । निर्माण सुरु गरिएको ५ वर्ष भित्र सम्पन्न गर्र्ने लक्ष्य लिइएको सो जलविद्युत आयोजनाबाट वार्षिक रुपमा १ अर्व ५३ करोड ३१ लाख युनिट उर्जा उत्पादन हुने पनि सम्झौंतामा उल्लेख गरिएको छ । हेर्नुहोस् भिडियो :
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: