![](https://1.bp.blogspot.com/-UISPBiC_9jw/XfXZJcHrsSI/AAAAAAABVSc/O6_Tbqoq03408eSVnPYR-OpE7dX8_o4eACLcBGAsYHQ/s640/2.jpg)
काठमाडौं – आइएमई जनरल इन्स्योरेन्सले आफ्नो सेयरधनीलाई ६% बोनस सेयर दिने भएको छ । कम्पनीको शुक्रबार बसेको सञ्चालक समितिको ८५औँ बैठकले आर्थिक वर्ष २०७५–७६ को मुनाफाबाट ६% बोनस सेयर दिने निर्णय गरेको हो । साथै बोनसमा लाग्ने कर तिर्न (०.३१%) ३२ लाख २२ हजार ९४७ नगद लाभांश पनि दिने भएको छ। कम्पनीले ६ करोड १२ लाख ३६ हजार रुपैयाँ बराबरको बोनस सेयर बाँड्नेछ ।
हाल आइएमई जनरलको चुक्ता पुँजी १ अर्ब २ करोड ६ लाख रुपैयाँ रहेको छ । बोनस वितरणपछि पुँजी १ अर्ब ८ करोड १८ लाख ३६ हजार रुपैयाँ पुग्नेछ । यो लाभांश प्रस्ताव नियामक निकाय र कम्पनीको आगामी साधारणसभाले अनुमोदन गरेपछि लगानीकर्तालाई वितरण सुरु गरिनेछ । हेर्नुहोस् कम्पनीले नेपाल स्टक एक्सचेन्जलाई लाभांश घोषणा गरिएको बारे गराएको औपचारिक जानकारी जस्ताको त्यस्तै :
![](https://1.bp.blogspot.com/-uV7y2UjsPVI/XfXWykRusFI/AAAAAAABVSU/f4q3qKDml-YH1AFFOOlYr2NFpEyhLHa1gCLcBGAsYHQ/s1600/2.jpg)