काठमाडौं – नेपाल स्टक एक्सचेन्ज (नेप्से)मा बुधबार ३ कम्पनीको कुल २ करोड २५ लाख ४६ हजार १८४.७० कित्ता सेयर सूचिकृत गरेको छ । जसमा २ वाणिज्य बैंकको बोनस र १ इन्स्योरेन्स कम्पनीको हकप्रद सेयर रहेको छ । बुधबारको कारोबारमा  एनआइसी एसिया बैंक, बैंक अफ काठमान्डू र सूर्या लाइफ इन्स्योरेन्सको सेयर सूचिकृत भएको छ । 

सबैभन्दा धेरै सूर्या लाइफ इन्सुरेन्सको ८८ लाख ७४ हजार ९६ कित्ता हकप्रद सेयर सूचिकृत भएको छ भने एनआइसी एसिया बैंकको ८८ लाख ३४ हजार २२८.२७ कित्ता र बैंक अफ काठमान्डूको ४८ लाख ३७ हजार ८६० कित्ता बोनस सेयर पनि नेप्सेमा सूचीकृत भएको छ ।