काठमाडौँ – साताको कारोबारको चौथौ दिन बुधबार बजार घटेको छ । मंगलबारको तुलनामा बजार ७.३२ अंकले घटेर १२०९.६० विन्दुमा आइपुगेको छ ।
नेपाल स्टक एक्सचेन्ज (नेप्से)का अनुसार कुल १ सय ७२ कम्पनीको २१ लाख ८५ हजार ३ सय ९७ कित्ता सेयर १० हजार ३५ पटक खरिद बिक्री हुँदा ७३ करोड ८ लाख माथिको कारोबार भएको छ । जसमा सबै भन्दा बढी कारोबार वोमी माइक्रोफाइनान्सको भएको छ । यस बैंकको कुल ७ करोड १५ लाखमाथिको कारोबार भएको छ । त्यसपछि क्रमश एनआईसी एसिया बैंक र माछापुच्छ्रे बैंकको भएको छ ।
यस्तै, बुधबार फाइनान्स, म्यनुफ्याक्चार एण्ड प्रोडक्सन, माइक्रोफाइनान्स, म्युचुअल फन्ड र अन्यको बढेको छन् भने बाँकी अरु सबै समुह घटेका छन् ।
त्यसैगरी सबैभन्दा धेरै समता माइक्रोफाइनान्स र वोमी माइक्रोफाइनान्सका लगानीकर्ताले कमाएका छन् भने सबैभन्दा धेरै लुम्बिनी विकास बैंक र अरुण काबेली पावरका लगानीकर्ताले गुमाएका छन् ।
