काठमाडौं – नेपाल राष्ट्र बैंकले १० अर्ब रुपैयाँ बराबरको रिपो निष्काशन गर्ने भएको छ । उक्त रिपो ७ दिनमा परिपक्व हुने गरी बैंकले जारी गर्न लागेको हो । रिपो आज अपराह्न ३ बजे बोलकबोल गरेर आजै जारी हुने राष्ट्र बैंकले जनाएको छ । यो रिपो फागुन १५ गते परिपक्क हुनेछ ।

बैंकिङ प्रणालीमा लगानी योग्य रकम अभाव देखिएमा राष्ट्र बैंकले अल्पकालीन अवधिको तरलता प्रवाह गर्न रिपो जारी गर्ने गर्दछ । बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाले भाग लिन पाउनेछन् ।