काठमाडौँ – साताको कारोबारको चौथौ दिन बुधबार बजार बढेको छ । मंगलबारको तुलनामा बजार ५.२४ अंकले बढेर १४०५.२५ विन्दुमा आइपुगेको छ । 

नेपाल स्टक एक्सचेन्ज (नेप्से)का अनुसार कुल १ सय ७७ कम्पनीको ३४ लाख ५५ हजार ६ सय ८२ कित्ता सेयर खरिद बिक्री हुँदा १ अर्व ६२ करोडमाथिको कारोबार भएको छ । जसमा सबै भन्दा बढी कारोबार शिभम् सिमेन्टको भएको छ । यस कम्पनीको कुल १४ करोड ७१ लाखमाथिको कारोबार भएको छ । त्यसपछि क्रमश :  हिमालयन डिस्टिलरी र ग्रामीण विकास लघुवित्तको भएको छ ।

यता, बुधबार बैंकिङ्ग, होटेल्स, फाइनान्स, निर्जीवन बीमा, जीवन बीमा र म्युचुअल फण्ड उपसुचक घटेका छन् भने बाँकी सबै उपसुचक बढेका छन् । त्यसैगरी सबैभन्दा धेरै आशा लघुवित्त वित्तीय संस्था र सामुदायिक लघुवित्तका लगानीकर्ताले कमाएका छन् भने सबैभन्दा धेरै मल्टिपर्पोज फाइनान्स र प्रोग्रेसिभ फाइनान्सका लगानीकर्ताले गुमाएका छन् ।