काठमाडौं – एनआरएन इन्फास्ट्रक्चर एण्ड डेभलपमेन्ट लिमिटेडले ३३ लाख ९८ हजार ४६ कित्ता सेयर जारी गर्ने भएको छ । कम्पनीले उक्त सेयर जारी गर्न नेपाल धितोपत्र बोर्डबाट अनुमति प्राप्त गरेको छ । बोर्डले कम्पनीलाई प्रति कित्ता १ सय रुपैयाँ दरको ३३ करोड ९८ लाख ४ हजार ६०० रुपैयाँको आइपीओ जारी गर्न अनुमति दिएको हो । 

यो आइपीओमा सानिमा क्यापिटलले बिक्री प्रबन्धकको काम गर्नेछ । जलविद्युत क्षेत्रका माध्यमबाट नेपालको राष्ट्रिय विकासमा योगदान पुर्याउने यस कम्पनीको उद्देश्य रहेको छ । गैरआवासीय नेपालीहरुले यो कम्पनीलाई प्रवद्र्धन गरेका छन् । सन् २०१२ मा स्थापना भएको कम्पनीको केन्द्रीय कार्यालय काठमाडौंमा रहेको छ ।