महेन्द्रनगर – यूनियन लाइफ इन्स्योरेन्स कम्पनीले मृतकको परिवारलाई मृत्युदाबी भुक्तानी दिएको छ । अरिङ्गालको टोकाइबाट मृत्यु भएका बैतडीको पाटन नगरपालिका–३,का पुस्कर अवस्थीको परिवारलाई कम्पनीले २० लाख ५० हजार रुपैयाँ मृत्यु दाबी भुक्तानी रकम प्रदान गरेको जनाएको छ ।

गत असारमा १० लाख बीमाङ्कको २० वर्षे बीमा गराएकोमा गत असोज २१ गते उनको अरिङ्गालको टोकाइबाट मृत्यु भएको थियो । मृत्यु पश्चात कम्पनीले एक कार्यक्रम गरी उनको परिवारलाई उक्त रकम प्रदान गरेको जनाएको छ ।

कम्पनीका अनुसार १० लाख बीमाङ्कको पहिलो किस्ता बाफत ७१ हजार ४ सय ८२ रुपैया बार्षिक किस्ता तिरेका अस्थीको परिवारले २० लाख ५० हजार प्रदान गरिएको हो ।