काठमाडौं – सेन्चुरी कमर्सियल बैंकको ९ औं वार्षिक साधारण सभा स्थगित भएको छ । बैंकको चैत १४ गते बोलाएको वार्षिक साधारण सभा विश्व भर फैलिएको कोरोना भाइरस सन्त्रासका कारणले स्थगित भएको हो  । 

बैंकको चैत ६ गते बसेको सञ्चालक समिति बैठकले कोरोना भाइरस संक्रमणको त्रासका कारण सभा स्थगित गर्ने निर्णय गरेको हो । साथै, सरकारले एक ठाँउमा २५ जना भन्दा बढी मान्छे भेला नहुन निर्देशन दिएकाले सोही निर्णयलाई आधार मान्दै अर्को सूचना जारी नभएसम्मका लागि सभा स्थगित गरिएको बैंकले जनाएको छ । 

हाल यस बैंकको चुक्ता पुँजी ८ अर्ब ४१ करोड ५४ लाख रुपैयाँ छ । २% बोनसपछि पुँजी ८ अर्ब ५८ करोड ३७ लाख ८१ हजार रुपैयाँ पुग्नेछ ।