काठमाडौँ – सिभिल बैंकले काठमाडौंको बाङ्गेमुढामा नयाँ शाखा सञ्चालनमा ल्याएको छ । आइतबार एक कार्यक्रमबीच बैंकका अध्यक्ष इच्छाराज तामाङ र काठमाडौं महानगरपालिका–२५ का अध्यक्ष नीलकाजी शाक्यले उद्घाटन गरे ।

सोही अवसरमा बैंकको संस्थागत सामाजिक उत्तरदायित्व कार्यक्रमअन्तर्गत भुरुङ्गखेलमा रहेको प्रभात माध्यमिक विद्यालयलाई कक्षा कोठा मर्मतसम्भार तथा सजावटका लागि २५ हजार रुपैयाँ सहयोग गरेको छ । रकम बैंकका अध्यक्ष तामाङले विद्यालयकी प्रतिनिधि सुरभी श्रेष्ठलाई प्रदान गरिएको थियो ।

सिभिल बैंकको हालसम्म नेपालभर १११ वटा शाखा रहेका छन्। ४ लाख ३० हजारभन्दा बढी ग्राहक रहेको, करिब ५३ अर्व रुपैयाँभन्दा बढी निक्षेप परिचालन गरि करिब ५२ अर्ब रुपैयाँ कर्जा लगानी गरेको छ।