काठमाडौँ – कामना सेवा विकास बैंक लिमिटेडको १२३औ शाखा कार्यालय ललितपुर जिल्लाको ललितपुर महानगरपालिका वडा नं १७ स्थित ग्वार्कोमा सञ्चालक गरेको छ । बैंकले आफ्नो सेवा विस्तार गर्ने क्रममा प्रदेश नं ३ अन्तर्गत ललितपुर जिल्लाको ललितपुर महानगरपालिका वडा नं१७ स्थित ग्वार्कोमा फागुन २९ गते आफ्नो १२३औ शाखा कार्यालय सञ्चालनमा ल्याएको हो ।

उक्त शाखाको उद्घाटन ललितपुर महानगरपालिका वडा नं १७का अध्यक्ष विनोद महर्जन तथा बैंकका सञ्चालक विश्वेश्वर सुवेदीले सयुक्त रुपमा गर्नुभएको थियो । उक्त कार्यक्रममा बैंकका प्रमुख कार्यकारी अधिकृत प्रविण बस्नेतले बैंकका वर्तमान अवस्था र भावी कार्ययोजना तथा रणनीतिका बारेमा प्रकाश पार्नुभएको थियो । यस बैंकले व्यवसाय विस्तारको क्रममा नविनतम प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ्गसेवा सुविधाहरु उपलब्ध गराउँदै जाने समेत जानकारी दिइएको छ ।