">
काठमाडौँ – सर्वोच्च अदालतले जापान, दक्षिण कोरिया, बहराइन, इरान लगाएतका मुलुकबाट आउने विमानलाई रोक लगाएको छ । नेपाल कोरोना भाइरसको उच्च जोखिममा परेपछि अदालतले विभिन्न मुलुकबाट आउने विमानलाई नेपाल आउन रोक लगाएको हो। अदालतले सर्वोच्चमा परेको रिट निवेदनको सुनुवाई गर्दै यस्तो फैसला सुनाएको हो ।
चीनको वुहानमा भेटिएको कोरोना भाइरस अहिले विश्वभर फैलिने क्रममा रहेको छ । सरकारले यसअघि ४ फागुनमा वुहानबाट १७५ जना नेपाली नागरिकलाई स्वदेश फिर्ता ल्याएका थियो । उनीहरुमा कोरोनाको संक्रमण नभेटिएको पुष्टि भएको छ ।
केही दिन अघि विश्व स्वास्थ्य संगठन (डब्लुएचओ)ले नेपालसहित भारत, पाकिस्तान, श्रीलंका र अफगानिस्तान कोरोनाको उच्च जोखिममा रहेको जनाएको थियो ।
