धनगढी । आफ्नै देशका नागरिकहरु सीमामा नारा लगाईरहेछन् । उनीहरुको माग आफ्नै देशमा पस्नुबाहेक केहि छैन । तर देशलाई दुख्दैन उनीहरुको पीडा । र त भारत पिथौरागढका विभिन्न क्षेत्रमा काम गरेर फर्किएका साढे तीनसय बढि नेपालीले नेपाल आउनुपर्ने माग गर्दै सीमा क्षेत्रमै नाराबाजी गरेका छन् । उनीहरुको माग फगत यति छ -तीन दिनदेखि धारचुलामा अलपत्र परेका नेपालीहरुले आफ्नो देश  फर्कनुपर्यो । 

धारचुलास्थित पूल नजिकैबाट नेपालतर्फ फर्केर उनीहरुले ‘नेपालको नाका खुला गर’, ‘आफ्नो जनता फिर्ता लेउ भन्दै’ नाराबाजी गरेका छन्।’ भारतका होटलहरुमा समेत बस्न र खान नदिएपछि बाध्य भएर काम छोडेर फर्किनु परेको नेपालीहरुले जनाएका छन्।