- अर्थ सरोकार सम्बाददाता
काठमाडौँ – नेपाल विद्यार्थी संघका पूर्व महामन्त्री कुन्दन राज काफ्लेले आफ्नो विवाह खर्चवाफतको रकम ‘कोभिड-१९, प्रधानमन्त्री राहत कोष’ मा जम्मा गरेका छन् । सोमबार स्वास्थ्य मन्त्रालय पुगेर पूर्वमहामन्त्री काफ्लेले आफ्नो विवाह खर्च कटाएर ‘कोभिड—१९, प्रधानमन्त्री राहत कोष’ मा २ लाख रुपैयाँ जम्मा गरेका हुन् ।
विवाह बन्धनमा बाँधिएपछि विवाह खर्चबाट केही रकम राहत कोषमा जम्मा गरिएको उनले बताए । सोमबार स्वास्थ्यमन्त्रालय पुगेर रकम स्वास्थ्य तथा जनसंख्यामन्त्री भानुभक्त ढकाललाई हस्तान्तरण गरिएको उनले बताए ।
प्रधानमन्त्री केपी शर्मा ओलीलगायत विभिन्न दलका सांसदहरुले राहत कोषमा रकम जम्मा गरेका छन् । नीजि क्षेत्रका व्यवसायी र अन्य नागरिकहरुले पनि व्यक्तिगत रुपमा कोषमा सहयोग रकम जम्मा गरेका छन् ।
