- अर्थ सरोकार सम्बाददाता
धनगढी । महालक्ष्मी विकास बैंकले सुदूरपश्चिम प्रदेश सरकारले स्थापना गरेको कोरोना नियन्त्रण तथा उपचार कोषमा चार लाख सहयोग गरेको छ । कोरोना भाईरसको रोकथाम तथा नियन्त्रण र उपचारमा सहज होस् भन्ने हेतुले सरकारले खडा गरेको उक्त कोषमा चार लाख सहयोग गरेको बैंकका शाखा प्रवन्धक प्रकाश खडकाले जानकारी दिए ।
बैंकको केन्द्रीय कार्यालयले ५० लाख रकमबाट सातवटै प्रदेशमा चाररचार लाख र संघीय सरकारको कोषमा १२ लाख दिने निर्णय गरेको थियो । सोही अनुसार धनगढीस्थित शाखाबाट बिहिबार प्रदेश सरकारलाइ हस्तान्तरण गरिएको थियो । बैंकका शाखा प्रमुख झंकर कडायतले प्रदेशका मुख्यमन्त्री त्रिलोचन भट्टलाइ चेक हस्तान्तरण गरेका थिए। शाखा प्रमुख कडायतले मानविय सेवानै सबैभन्दा ठूलो भएकाले रकम सहयोग गरिएको बताए ।
सो अवसरमा बोल्दै मुख्यमन्त्री भट्टले कोषमा जम्मा भएको रकम उपचार र अन्य आवश्यकताका आधारमा खर्च गरिने बताए । उनले भने- प्रदेश सरकारले ४० करोडमा स्थापना गरेको कोषमा अहिले नीजि क्षेत्रबाट सहयोग भइरहेको छ । यो रकम स्वास्थ्य उपचार र अन्य आवश्यकताका आधारमा खर्च गरिन्छ ।
मुख्यमन्त्री भट्टले आम नागरिकलाइ लकडाउनको पूर्ण रूपमा पालना गर्न आग्रह गरे। उनले भने – कोरोना नियन्त्रण गर्न मुख्य भनेको सामाजिक दुरी र लकडाउनको पूर्ण पालना हो । त्यसैले आम नगरिकले सरकारको निर्णय पूर्ण रूपमा पालना गरिदिनुहोस । यसअघि सुदूरपश्चिम प्रदेश सरकारले स्थापना गरेको कोषमा एक करोड २३ लाख रकम विभिन्न बैंक, वितिय संस्था र संघरसंस्थाबाट सहयोग भएको जनाइएको छ।
