• अर्थ सरोकार सम्बाददाता 

काठमाडौँ – एनएमबि बैंकले आर्थिक वर्ष २०७६/७७ को तेस्रो त्रैमास वित्तीय विवरण सार्वजनिक गरेको छ । सार्वजनिक गरेको विवरण अनुसार बैंकको खुद नाफा १ अर्ब ८८ करोड ३२ लाख रुपैयाँ कमाएको छ। तो नाफा गत वर्षको सोहि अवधिको तुलनामा १४.०६%ले धेरै हो । गत आवको यसै अवधिमा बैंकले १ अर्ब ६५ करोड ११ लाख रुपैयाँ खुद नाफा कमाएको थियो। बैंकको वितरण योग्य नाफा ५८ करोड ७७ लाख रुपैयाँ रहेको छ । 

यस्तै, बैंकले खुद ब्याज आम्दानी ४ अर्ब २९ करोड रुपैयाँ गरेको छ। यो गत आवको यसै अवधिको तुलनामा १ अर्ब २० करोड रुपैयाँ धेरै हो । बैंकको खुद ब्याज आम्दानी बढेकोले खुद नाफा बढ्न सहयोग पुगेको हो। यता सञ्चालन नाफा भने घटेको छ । सञ्चालन नाफा ४७ करोड २७ लाख करोड रुपैयाँ घटेर १ अर्ब ८७ करोड ६४ लाखमा झरेको छ।

यो तेश्रो त्रैमाससम्ममा बैंकले १ खर्ब २७ अर्ब ९३ करोड रुपैयाँ निक्षेप संकलन गरी १ खर्ब १५ अर्ब ५६ करोड लाख रुपैयाँ कर्जा प्रवाह गरेको छ। हाल बैंकको चुक्ता पूँजी १३ अर्ब ९५ करोड ९ लाख रुपैयाँ रहेको छ भने जगेडा कोषमा ६ अर्ब ३३ करोड रुपैयाँ रहेको छ। 

यता, बैंकको खराब कर्जा अनुपात बढेको छ। गत आवको चैत मसान्तमा ०.७९% रहेको खराब कर्जा बढेर २.४८% मा पुगेको छ । बैंकको मूल्य आम्दानी अनुपात २०.१७ गुणा, पूँजीकोष अनुपात १४.२६% र कोषको लागत ७.०९% रहेको छ। चैत मसान्तसम्ममा बैंकको आधारदर ९.९९% छ भने स्प्रेडदर ४.८८% छ। बैंकको प्रतिसेयर आम्दानी १८ रुपैयाँ ६९ पैसा रहेको छ भने प्रतिसेयर नेटवर्थ १४६ रुपैयाँ ८३ पैसा रहेको छ।