- अर्थ सरोकार सम्बाददाता
काठमाडौँ । प्रभु बैंक लिमिटेडले चालु आर्थिक बर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरिएको विवरण अनुसार बैंकको खुद नाफा अघिल्लो आर्थिक बर्षको सोहि अवधिको तुलनामा बढेको छ । गत आवको चैत मसान्तसम्ममा बैंकको खुद नाफा १ अर्ब ४५ करोड रुपैयाँ रहेकोमा समिक्षा अवधिमा बैंकको खुद नाफा अघिल्लो आवको सोहि अवधिको तुलनामा १ करोड १९ लाख रुपैयाँ बढेर १ अर्ब ४६ करोड रुपैयाँ पुगेको छ । समीक्षा अवधिमा बैंकको खुद ब्याज आम्दानी २१ करोड ९३ लाख रुपैयाँ बढेर १ अर्ब ५९ करोड पुगेको छ।
बैंकको प्रतिशेयर आम्दानी भने घटेको छ । चैत मसान्तमा बैंकको प्रतिशेयर आम्दानी १९ रुपैयाँ ८९ पैसा कायम भएको छ । बैंकको प्रतिशेयर नेटवर्थ १५१ रुपैयाँ ६९ पैसा कायम भएको छ भने मूल्य आम्दानी अनुपात ११.३१ गुणा रहेको छ। १० अर्ब ३१ करोड रुपैयाँ चुक्ता पूँजी रहेको यस बैंकले जगेडा कोषमा ४ अर्ब ५३ करोड रुपैयाँ र शेयरधनी कोषमा ७९ करोड ८१ लाख रुपैयाँ सञ्चय गरेको छ। बैंकको निष्क्रिय कर्जा २.९५ प्रतिशत रहेको छ।
