- अर्थ सरोकार सम्बाददाता
काठमाडौँ – प्रिमियर इन्स्योरेन्सले आर्थिक वर्ष २०७६/७७ को तेस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार बैंकको खुद नाफा १९ करोड ४ लाख रुपैयाँ खुद नाफा आर्जन गरेको छ । यो नाफा गत वर्षको यही अवधिको तुलनामा ४ करोड १ लाख रुपैयाँले बढी हो । गत वर्षको यही अवधिमा कम्पनीले १५ करोड ३ लाख रुपैयाँ खुद नाफा आर्जन गरेको थियो ।
कम्पनीको खुद नाफा बढेपनि खुद बीमाशुल्क भने घटेको छ । कम्पनीको खुद बीमाशुल्क ७ करोड ६० लाख रुपैयाँले घटेर ५२ करोड ९६ लाख रुपैयाँमा सिमित भएको छ । गत आर्थिक वर्षको सोही अवधिमा इन्स्योरेन्सले ६० करोड ५६ लाख रुपैयाँ खुद बीमाशुल्क आर्जन गरेको थियो ।
यो तेश्रो त्रैमाससम्ममा कम्पनीले पुनर्बीमा कमिशनबापत १६ करोड १६ लाख रुपैयाँ र लगानी कर्जा तथा अन्य स्रोतबाट ६ करोड ८९ लाख रुपैयाँ आम्दानी गरेको छ । १ अर्ब ७ करोड ४५ लाख रुपैयाँ चुक्ता पूँजी रहेको कम्पनीको जगेडा कोषमा २६ करोड ७ लाख रुपैयाँ, बीमा कोषमा ५९ करोड ७ लाख रुपैयाँ र महाविपत्ती जगेडा कोषमा ५ करोड ४९ लाख रुपैयाँ सञ्चित छ ।
यस अवधिसम्ममा इन्स्योरेन्सको जारी बीमालेख संख्या एक लाख ९ हजार ७०९ रहेको छ भने कुल बीमाशुल्क आर्जन एक अर्ब ३० करोड ५० लाख रुपैयाँ रहेको छ । कम्पनीले सो अवधिसम्ममा ५ हजार २८५ दाबीबापत ७२ करोड ३ लाख रुपैयाँ भुक्तानी गरेको छ भने ३ हजार ७३१ दाबीबापत १ अर्ब ४९ करोड ६१ लाख रुपैयाँ भुक्तानी गर्न बाँकी छ ।
इन्स्योरेन्सको वार्षिक प्रतिशेयर आम्दानी २३ रुपैयाँ ६३ पैसा, प्रतिशेयर नेटवर्थ १८४ रुपैयाँ ३६ पैसा र मूल्य आम्दानी अनुपात २०.४० गुणा छ ।
