- अर्थ सरोकार सम्बाददाता
काठमाडौं । घरेलु लघुवित्त वित्तीय संस्थाको रौतहटस्थित लौकाहा शाखाले कोरोना भाइरसको संक्रमण विरुद्ध लड्न परोहा नगरपालिकालाई आर्थिक सहयोग गरेको छ । उक्त शाखाले स्थानीय निकायको कोरोना भाइरस रोकथाम नियन्त्रण तथा उपचार कोषमा १० हजार रुपैयाँको आर्थिक सहयोग गरेको हो । घरेलु लघुवित्तको लौकाहा शाखाका शाखा प्रबन्धक रुपेश कुमार झाले परोहा नगरपालिकाको मेयर शेख वकिलले उक्त चेक हस्तान्तरण गरेका हुन् ।
यो रकमले कोरोना रोकथाम नियन्त्रण तथा कोरोना रोग देखा परेका मानिसको उपचारमा र कोरोना भाइरसको कारणले लकडाउनमा परेर दैनिक ज्यालादारी गर्ने मजदुरलाई राहत वितरणमा सहयोग हुने बताइएको छ । यस संस्था संचालनमा आएको हाल सम्ममा देशको ११ जिल्लामा १३ वटा शाखा कार्यालयहरु स्थापना गरि ग्रामिण क्षेत्रका ६ हजार १ सय ५० भन्दा बढी विपन्न परिवारहरुमा २१ करोड १७ लाखभन्दा बढी कर्जा रकम लगानीमा र बचतमा ४ करोड ३६ लाख जम्मा भई वित्तीय पहुँच पुर्याउन सफल भई ती परिवारहरुसंग वचत तथा कर्जाको कारोवार संचालन गर्दै आईरहेको छ ।
