">
- अर्थ सरोकार सम्बाददाता
काठमाडौं – सानिमा लाईफ इन्स्योरेन्सले चालु आर्थिक वर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीको खुद नाफा ७ करोड ६९ लाख रुपैयाँ कमाएको छ । यो नाफा गत वर्षको सोहि अवधिको तुलनामा ०.२०%ले धेरै हो । गत वर्ष यहि अवधि,मा कम्पनीले ७ करोड ६८ लाख रुपैयाँ खुद नाफा कमाएको छ ।
कम्पनीद्धारा सार्वजनिक वित्तीय विवरण अनुसार सो अवधिमा ५७ करोड ५८ लाख रुपैयाँ खुद बीमा शुल्क आर्जन गरेको छ । गत वर्षको सोही अवधिमा २४ करोड ९५ लाख रुपैयाँ खुद बीमा शुल्क आर्जन गरेको थियो । साथै कम्पनीको हालसम्म १ अर्ब १० करोड ८८ लाख रुपैयाँ बराबरको कुल बीमाशुल्क आर्जन गरिसकेको छ ।
कम्पनीले सो अवधिमा १४ लाख ९९ हजार रुपैयाँ दावी भुक्तानी गरेको छ भने ११ करोड २७ लाख रुपैयाँ बीमा अभिकर्ता कमिशन बापत खर्च गरेको छ । साथै कम्पनीले बीमालेख धितोमा २ करोड १० लाख ८९ हजार रुपैयाँ कर्जा प्रवाह गरेको छ ।
