• अर्थ सरोकार सम्बाददाता 

काठमाडौँ । नेपाल स्टक एक्सचेञ्ज (नेप्से)मा अजोड इन्स्योरेन्सको आइपिओ सूचिकृत भएको छ। सोमबारको कारोबारमा अजोड इन्स्योरेन्सको १ करोड कित्ता सेयर नेप्सेमा सूचिकृत भएको हो । 

कम्पनीको सेयर कारोबारको लागि न्युनतम ९७ रुपैयाँ र अधिकतम २९१ रुपैयाँ ओपनिङ्ग रेञ्ज तोकिएको छ । त्यस अनुसार कम्पनीको पहिलो सेयर कारोबार खुल्नेछ ।

कम्पनीले सर्वसाधारण समक्ष एनआईबिएल एस क्यापिटल लिमिटेड (निष्काशन तथा बिक्री प्रबन्धक) मार्फत ३० लाख कित्ता साधारण शेयर खुल्ला बिक्री आव्हान गरेको थियो । यसरी सर्वसाधारणमा बितरण गरिएको ३० लाख कित्ता तथा कम्पनीका संस्थापकहरुले लगानी गरेको ७० लाख कित्ता शेयर समेत गरि जम्मा १ करोड कित्ता शेयर वितरण भई यस स्टक एक्सचेन्जमा सूचीकरण भएको हो ।