">
- अर्थ सरोकार सम्बाददाता
काठमाडौं । सोमबार सुनचाँदीको मूल्य बढेको छ । आइतबार प्रतितोला ९६ हजार ३ सय रुपैयाँमा कारोबार भइरहेको छापावाला सुन आज १ हजार २ सयले बढेर प्रतितोला ९७ हजार ५ सय रुपैयाँमा कारोबार भइरहेको छ । यो मूल्य आजसम्मकै सबैभन्दा उच्च हो । सुनको मूल्य बढेसंगै कारोबारमा कमि आएको व्यवसायी बताउँछन् ।
यता, चाँदीको मूल्य पनि ५५ रुपैयाँले बढेको छ । चाँदीको मूल्य पनि दिनप्रतिदिन बढ्दै गइरहेको छ । आज चाँदीको मूल्य प्रतितोला १ हजार २ सय १० रुपैयाँ पुगेको छ । नेपाल सुनचाँदी व्यवसायी महासंघले आज (सोमबार) १० ग्राम सुनको मूल्य ८३ हजार ५९० रुपैयाँ तोकेको छ भने प्रति १० ग्राम चाँदीको मूल्य १ हजार ३७ रुपैयाँ कायम गरेको छ ।
