- अर्थ सरोकार सम्बाददाता
काठमाडौं । नेपाल एसबिआई बैंक र टेस्ला डायग्नोस्टिक क्लिनिक प्रा. लिबीच छुट सम्बन्धि सम्झौता भएको छ । बैंकका ग्राहकलाई टेस्ला डायग्नोस्टिक क्लिनिकमा १० प्रतिशतसम्म छुट दिने भएको छ । एसबिआई बैंकका भिसा डेबिट कार्ड बाहक ग्राहकलाई लक्षित गरी उक्त क्लिनिकले कार्ड प्रयोग गरे बापत उक्त छुट दिने भएको हो ।
क्लिनिकले उक्त ग्राहकलाई प्याथोलोजी तथा रेडियोलोजी सेवामा १० प्रतिशत र फार्मेसी सेवामा ५ प्रतिशतदेखि १० प्रतिशत छुट प्रदान गर्ने गरी एसबिआई बैंकसँग सम्झौता गरेको हो ।
उक्त सम्झौता अनुसार बैंकका ग्राहकले परिचयपत्र सहित कार्ड प्रयोग गर्दा लिने निश्चित सुविधामा सो छुट पाउनेछन् । उक्त सम्झौतामा बैंकका प्रमुख व्यवसाय प्रवर्धन अधिकृत छपि राज पन्त तथा टेस्ला डायग्नोस्टिक क्लिनिकका प्रमुख कार्यकारी अधिकृत रिन्कु श्रेष्ठले हस्ताक्षर गरेका छन् ।
