- अर्थ सरोकार मल्टिमिडिया ब्युरो
काठमाडौं । शिवम् सिमेन्टले कोभिड १९ को परिस्थितिमा सिमेन्ट खरिद गर्न मिल्नेगरी ‘‘शिवम् मोबाइल एप’’ सार्वजनिक गरेको छ । शिवम सिमेन्टले सोमबार काठमाडौंमा पत्रकार सम्मेलन आयोजना गरी मोबाइल एप सार्वजनिक गरेको हो । कार्यक्रममा शिवम् सिमेन्टका अध्यक्ष सुरेन्द्रकुमार गोयलले आफ्नो मोबाइलमा ‘‘शिवम् मोबाइल एप’’ डाउनलोड गरी सहज र सरल रुपमा ओपीसी सिमेन्ट अर्डर गर्न सक्ने बताउनुभयो । उहाँले ग्राहकको सुविधाका लागि सिमेन्टको बजार मूल्य भन्दा केही कम गरी निश्चित मूल्य निर्धारण गरिएकाले ढुक्क हुन आग्रह गर्नुभयो । एपको माध्यमबाट ग्राहकले गरेको अर्डरलाई कम्पनीले सहज वयवस्थापनका साथ उचित मूल्यमा समयमै तोकिएको स्थानमा डेलिभरी दिने समेत उहाँले बताउनुभयो ।
एप मार्फत अर्डर गर्न झन्झट रहित सरल प्रक्रिया भएको र भुक्तानीका लागि विभिन्न सहज सुविधाहरु भएकाले सिमेन्ट खरिदका लागि एप उच्चतम प्रभावकारी रहने विश्वास समेत उहाँले व्यक्त गर्नुभयो । शिवम् सिमेन्ट एप गुगल प्ले स्टोर तथा आईओएस एप स्टोरबाट डाउनलोड गरी सहजै प्रयोग गर्न सकिने कम्पनीले जनाएको छ । सिमेन्ट अर्डर गरेपछि मोबाइल खल्ती, इसेवा, कनेक्ट आईपिएस वा क्यास अन डेलिभरीको माध्यमबाट भुक्तानी गर्न सकिने व्यवस्था पनि रहेको कम्पनीले जनाएको छ । हेर्नुहोस् भिडियो :
