">
काठमाडौँ । चीनको सिन्जियाङ प्रान्तमा अल्पसंख्यक समुदायको अधिकारका लागि लडिरहेका समूहरुले चीनको संयुक्त राष्ट्रसंघको मानवअधिकार परिषद्को सदस्यता खारेज गर्न राष्ट्र संघलाई आग्रह गरेका छन् । त्यसैगरी उनीहरुले चीनले धार्मिक अल्पसंख्यकमाथि चीनले गरेको विनाश र अत्याार नरसंहार हुनुअघि नै रोक्नुपर्नेसमेत राष्ट्रसंघसँग माग गरेका छन् ।
उनीहरुले भनेका छन्, “उइगरहरुको पक्षमा बोल्न ढिला भइसकेको छ । तर, समय अझै बाँकि छ ।” उइगरको अधिकारका लागि सुरु गरेको अभियानका कार्यकारी निर्देशक रुसहान अब्बासले भनेका छन्, “प्रजातान्त्रिक अधिकार र मानवअधिकारका लागि हामी समर्पित छौं र त्यसको रक्षाका लागि वकालत गर्न हामी चुक्ने छैनौं ।”
तर, चिनियाँहरुले २१ औं शताब्दिमा पनि उइगरहरुमाथि जनावरकोजस्तै व्यवहार गरिरहेका छन् । यो कल्पनी र असह्य भएकोले उइगर समुदायको जीवन रक्षाका लागि चीनविरुद्ध आवाज उठाउन आवश्यक भएको जनाइएको छ ।
उनीहरुले संयुक्त राष्ट्र संघलाई पठाएको पत्रमा चिनियाँ कम्युनिस्ट पार्टीले उइगरहरुमाथि गरेको अत्याचारको प्रमाणसमेत पेस गरेका छन् । त्यसैगरी उनीहरले अन्तर्राष्ट्रिय अपराध अदालतमा समेत चीनविरुद्ध मुद्दा दर्ता गराएका छन् । कोरोना महामारीका बीच पनि चीन सरकारले भने उइगरहरुमाथिको दमन र अत्याचारलाई भने निरन्तर कायम नै राखेको छ । -पब्लिक न्युज एजेन्सी
