">
- सुदर्शन श्रेष्ठ/अर्थसरोकार सुदूरपश्चिम ब्युरो
धनगढी । विगत लामो समयदेखी धनगढीमा रहँदै आएको छाडा पशुचौपायाको समस्या अझैपनि यथावत नै रहको छ । धनगढीकै मुख्य बजारमा छाडा पशुचौपायाको ताण्डव दैनिक जसो देख्न सकिन्छ ।
पछिल्ला केहि समययता धनगढी उपमहानगरपालिकाले पनि छाडा पशुचौपाया व्यवस्थापनका लागि योजना निर्माण र पहल गरेको भएतापनि उक्त समस्या भने अझैपनि न्युनिकरण गर्न सकिएको छैन । दैनिक जसो धनगढीका सडकमा झण्डै ५० देखी १०० सम्मको संख्यामा छाडा पशुचौपाया भेटिन्छन् । पशुचौपाया व्यवस्थापनका लागि लाखौँ रकम खर्च गरेको भएतापनि चाहेजस्तो व्यवस्थापना गर्न नसकेको धनगढीका एक तरकारी व्यवसायी रामदेव जोशीले बताए । उनले भने, ‘तरकारी पसल राखेको छु, एकछिन बाहिर गयो भने गाईले खाईदिन्छन् ।’
दुध दिँदासम्म पाल्ने र दुध दिन छाडेपछि घरबाटै निकाल्दिने प्रवृतिले पछिल्लो समय छाडा पशुचौपायाको संख्यामा वृद्धी हुँदै गएको छ । विभिन्न सयय विभिन्न ठाउँहरुमा छाडा पशुचौपायाको व्यवस्थापनका लागि गौशाला निर्माण गरिएको भएतापनि तिनिहरुको उचित प्रयोग र व्यवस्थापन हुन नसकेकै कारण यो समस्या देखापरेको बताइएको छ । धनगढीमा छाडा पशुचौपायाको कारणले व्यापार व्यवसाय गर्दै आएकाहरु दैनिक सास्ति खेप्न बाध्य बनेका छन् । बाकीँ फोटो फिचरमा हेर्नुहोस्:
