काठमाडौं । चिनियाँ अधिकारीहरुले १५९ लाइभ स्ट्रिमिङ प्लेटफर्महरुलाई कारबाही गरेको छ । पछिल्लो समय सञ्चारमाध्यमलाई निगरानी गर्नका लागि चीनले नयाँ रणनीति अपनाएको छ । उक्त नयाँ रणनीति अनुरुप नै ती च्यानलहरुमाथि गैरकानुनी रुपमा सञ्चालन भएको भन्दै कारबाही गरिएको जनाइएको छ ।
चीनले गत जुनमा मुलुकमा अनियमितरुपमा सञ्चामाध्यमहरु सञ्चालन भएको भन्दै राष्ट्रव्यापी अभियान सञ्चालन गरेको थियो । चीनको साइबरस्पेस एड्मिनिस्ट्रेसनका अनुसार उक्त च्यानहरुले ती चिनियाँ नीतिमा असर पुर्याउने सामग्री हटाउन आग्रह गरको छ भने नियम र कानुनको उल्लंघन गर्ने विभिन्न अकाउन्टहरुमाथि प्रतिबन्ध नै लगाएको छ ।
भल्गर पप-अप, गैरकानुनी विज्ञापन, प्रोनोग्राफी, अनलाइन जुवा खेलाउनेलगायतका अनलाइन अवैध क्रियाकलाप सञ्चालन गरेका लाइभ स्ट्रिमिङ प्लेटफर्मका कारबाही गरिएको चिनियाँ अधिकारीहरुले बताएका छन् । -पब्लिक न्यूज एजेन्सी
