• अर्थ सरोकार सम्बाददाता 

काठमाडौै । जनरल इन्सोरेन्स कम्पनी र आईएमई पेबीच सम्झौता भएको छ । सम्झौता अनुसार जनरल इन्सोरेन्स कम्पनीका सेवाग्राहीहरूले आइएमई पेमार्फत प्रिमियम भुक्तानी गर्न सक्नेछन् । हालको परिस्थितलाई मध्यनजर गर्दै कम्पनीले आफनो बीमीतहरुको सेवा सुविधामा टेवा पुराउन यस सम्झौता गरेको जनाएको छ ।

आइएमई डिजिटलले ‘आईएमई पे’ ब्रान्ड अन्तर्गत मोबाइल वालेट सेवा उपलब्ध गराउनेछ र यसको मद्दतबाट सेवाग्राही आफैले अथवा एजेन्टहरूको सहयोग लिएर मोबाइल मार्फत विभिन्न किसिमका भुक्तानी सम्बन्धी कार्य गर्न सक्नेछन् ।

आइएमई डिजिटलले बैंकको सुविधाबाट वञ्चित तथा न्यून बैंकिङ्ग सुविधा प्राप्त नेपाली लगायत सम्पूर्ण सर्वसाधारण जनतालाई वित्तीय सेवाहरूको पहुँच उपलब्ध गराएर नेपालको वित्तीय समावेशीकरणमा योगदान पु¥याउने लक्ष्य लिएको छ ।