">
- अर्थ सरोकार सम्बाददाता
काठमाडाैं। नेको इन्स्योरेन्स कम्पनीले आर्थिक वर्ष २०७६/७७ को चाैथाे त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीको अधिकांश सूचकमा बढेको छ । यो असारमसान्तसम्ममा कम्पनीको खुद नाफा ३०.५१ प्रतिशतले बढेर ४४ करोड ८५ लाख ३१ हजार रुपैयाँ पुर्याउन सफल भएको छ । अघिल्लो वर्षको यही अवधीमा कम्पनीले ३४ करोड ३६ लाख ७४ हजार रुपैयाँ खुद नाफा कमाएको थियाे ।
यस्तै, कम्पनीले १ अर्ब २७ करोड १ लाख ५६ हजार रुपैयाँ खुद बिमा शुल्क आम्दानी गरेकाे छ । यो रकम अघिल्लो वर्षको तुलनामा १०.९१ प्रतिशतले थाेरै हाे । गत वर्ष कम्पनीले १ अर्ब १४ करोड ५१ लाख ९२ हजार रुपैयाँ खुद बिमा शुल्क आर्जन गरेकाे थियाे ।
यो चौथौ त्रैमाससम्ममा कम्पनीकाे बिमा कोषको आकार पनि ३६.९२ प्रतिशतले बढेर ८३ करोड १६ लाख ९४ हजार रुपैयाँ पुगेको छ । अघिल्लो वर्षको यहि अवधीमा कम्पनीको बिमा कोषमा ६० करोड ७४ लाख २८ हजार रुपैयाँ रहेको थियो ।
१ अर्ब ३१ करोड ७४ लाख ३२ हजार रुपैयाँ चुक्ता पूँजी रहेको कम्पनीको जगेडा कोषमा ५२ करोड ४४ लाख २ हजार रुपैयाँ रहेकाे छ । त्यसैगरी, कम्पनीकाे प्रतिशेयर आम्दानी ३४ रुपैयाँ ०५ पैसा रहेको छ भने प्रतिशेयर नेटवर्थ २०८ रुपैयाँ ९६ पैसा रहेको विवरणमा उल्लेख छ ।
