• अर्थ सरोकार सुदूरपश्चिम ब्युरो

धनगढी । एनआरएन लघुवित्त वित्तीय संस्थाले एफपीओ गर्ने भएको छ । संस्थाले एफपीओ निष्काशनको प्रस्ताव राखेर आगामी भदौ २० गते धनगढीमा विशेष साधारण सभा आह्वान गरेको छ । उक्त साधारण सभाबाट कम्पनीले एफपीओ निष्काशनको प्रस्ताव पारित गर्नेछ । साथै संस्थाले नाम र ठेगानासमेत परिवर्तन गर्नेछ भने कर्पोरेट कार्यालय काठमाडौँमा खोल्ने एजेन्डासमेत उक्त सभाबाट पारित गर्नेछ । लघुवित्तले उक्त सभाबाट संचालकहरुसमेत चयन गर्नेछ।  

एनआरएन लघुवित्त वित्तीय संस्थाले किसान माइक्रोफाइनान्स र दिव्य लघुवित्त वित्तीय संस्था लिमिटेडलाई गाभेर गत असार २९ गतेदेखि एकिकृत कारोबार थालेको थियो । यसअघि लघुवित्तले क्रिएटिभ र रामारोशन लघुवित्त वित्तीय संस्थालाई आफुमा गाभेको संस्थाको ५२ करोड रुपैयाँ चुक्ता पूजी सहित १३० भन्दा बढि शाखा पुगेको छ।