">
काठमाडौँ । पाकिस्तानले फाइनान्सियल एक्सन टास्क फोर्स (एफएटीएफ) को कालोसूचीबाट जोगिनका लागि ८८ आतंकवादीमाथि प्रतिबन्ध लगाएको छ । पाकिस्तान अहिले ग्रे लिस्टमा रहेको छ । दइस अलकाइदा र तालिवानलगायतका ८८ आतंकवादी समूहमाथि आइतबार प्रतिबन्ध लगाएको छ । सरकारले पाकिस्तानमा रहेका आतंककारीहरूको बैंक खाता र सम्पत्तिहरू पनि कब्जा गरेको छ । उनीहरुलाई जहाजमा यात्रा गर्न पनि प्रतिबन्ध लगाइएको आर्य न्यूजले जनाएको छ । ८८ आतंकवादीहरुलाई केही दिन अघि संयुक्त राष्ट्र संघले जारी गरेको आतंकवादीको सूचीमा राखिएको थियो ।
एक विज्ञप्तिमा विदेश मन्त्रालयले भनेको छ, “पाकिस्तानले यी संयुक्त राष्ट्र संघीय प्रासंगिक प्रस्तावहरूको पालनामा प्रतिबन्ध लगाएको हो र हामी आशा गर्दछौं कि अन्य देशहरूले पनि त्यसको पालना गर्नेछन् ।” यसभन्दा पहिले प्रधानमन्त्री इमरान खानले राजनीतिक, आर्थिक स्थिति र एफएटीएफ कार्य योजनासम्बन्धी कानुनको प्रगति समीक्षा गर्न बैठकको अध्यक्षता गरेका थिए ।
पाकिस्तान जून २०१८ देखि खैरो सूचीमा छ र सरकारले फेब्रुअरीमा बाँकी कार्य बिन्दु जून २०२० सम्म सम्पन्न गर्न अन्तिम चेतावनी दिएको थियो । कोरोनाका कारण एफएटीएफको पूर्ण बैठकहरू अवरुद्ध भएका कारण समयावधि सेप्टेम्बरसम्ममा थप गरिएको छ ।
यस महिनाको सुरूमा पाकिस्तानले एफएटीएफको संयुक्त समूहलाई आफ्नो प्रारम्भिक मस्यौदा प्रतिवेदन बुझाएको थियो र आतंकवादी कोषसँग सम्बन्धित २७ कार्य बुँदामध्ये बाँकी १४ बुँदाहरुको देखाउँदै अक्टूबरमा सम्पन्न पूर्ण बैठकअघि सबै पूरा गर्ने जनाएको थियो । शीर्ष आधिकारिक स्रोतहरूले भने कि पाकिस्तानले सेप्टेम्बरको पहिलो हप्तामा समीक्षा समूहलाई प्रगति रिपोर्टको अद्यावधिक संस्करण बुझाउने छ । पहिलो ड्राफ्टलाई अगस्तमा पठाइएको थियो । -पब्लिक न्युज एजेन्सी
