• अर्थ सरोकार सम्बाददाता 

धनगढी । सोमबार जिल्ला प्रहरी कार्यालय कैलालीमा कार्यरत थप दुई जना प्रहरीमा कोरोना पुष्टि भएको छ । पछिल्लो २४ घण्टामा गरिएको परिक्षणमा धनगढीमा कार्यरत दुई जना प्रहरीमा कोरोना पोजेटिभ देखिएको हो । संक्रमण पुष्टि भएका २७ र ३६ बर्षीय दुवैजना जिल्ला प्रहरी कार्यालय कैलालीमा कार्यरत रहेका थिए । 

संक्रमण पुष्टि भएका दुवैजनाको दर्जा भने खुलाइएको छैन । यद्यपि उनिहरु दुवैजनाको स्वास्थ्य अवस्था भने सामान्य रहेको छ । यो सँगै कैलालीमा संक्रमित प्रहरीको संख्या सात पुगेको छ । यसअघि जिल्ला प्रहरी कार्यालय र मातहतका कार्यालयमा कार्यरत पाँच जना प्रहरीमा कोरोना पुष्टि भएको थियो ।