- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । कोराना भाइरसको संक्रमण बढेसँगै धनगढीमा ट्राफिक प्रहरी सक्रिय बनेका छन् । शुक्रबार ट्राफिक प्रहरीले धनगढीका विभिन्न ठाउँमा चेकिङ्ग गर्दै मास्क नलगाउनेलाई सम्झाउने र मास्क वितरण गरेको हुन् ।
संक्रमणको जोखिमलाई मध्यनजर गर्दै सरकारले घरबाट बाहिर निस्किदा मास्कको प्रयोग अनिवार्य गरेको छ । पछिल्लो समय गृह मन्त्रालयबाटै पनि मास्कको प्रयोग नगर्नेलाई संक्रामक ऐन अन्तर्गत कारबाहि गर्न पनि निर्देशन जारी भईसकेको थियो । यसैगरी पुन देशमा कोरोना भाइरस (कोभिड १९) को संक्रमण फैलिन थालेपछि कडाई गरेको जिल्ला ट्राफिक प्रहरी कार्यालय कैलालीका टफिक प्रहरी निरिक्षक सरोज ठकुराठीले बताउनुभयो । उहाँका अनुसार सुरुवाती चरणमा मास्क प्रयोग नगर्नेलाई सम्झाई बुझाई गर्ने र केहि दिनमा होल्ड गरेर कारबाही गरिनेछ ।कारबाही स्वरुप रु. एक सय जरिवाना गरिने टफिक प्रहरी निरिक्षक सरोज ठकुराठीले बताउनुभयो ।
जनचेतनाका लागि सडकमा मास्क लगाएको स्ट्याचु नै खडा गरेका छौँ, उहाँले भन्नुभयो, ‘अहिले सम्झाएका छौँ तर अव भने कडाईका साथ कारबाही पनि गछौँ ।’ कतिपय सर्वसाधरण त झनै मास्क दिनकै लागि रोक्दा पनि भाग्ने गरेका भेटिएका छन् । मास्क प्रयोग नगर्नेमध्ये सबैभन्दा बढी ईरिक्सा रहेको प्रहरीले जनाएको छ । हिजो र आज गरि दुई दिन जनचेतनामुलक कार्यक्रम गरेको र आगामी दिनमा थप कडाईका साथ फिल्डमा उत्रिने प्रहरीले जनाएको छ । शुक्रबार धनगढीमा टफिक प्रहरी आफै मास्क वितरण गर्नमा व्यस्त ! हेर्नुहोस् फोटो फिचरमा… 
