">
- अर्थ सरोकार सम्बाददाता
काठमाडौं । युनाइटेड इन्स्योरेन्सले आर्थिक वर्ष २०७६/७७ को चौथौ त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीले ३ करोड ४१ लाख ९ हजार रुपैयाँ खुद नाफा कमाएको छ । यो नाफा अघिल्लो वर्षको सोहि अवधिको तुलनामा ६०.४४ प्रतिशतले धेरै हो । अघिल्लो वर्षको यहि अवधिमा संस्थाले २ करोड १२ लाख ५९ हजार रुपैयाँ खुद नाफा कमाएको थियो ।
यता, कम्पनीको बिमा कोषको आकार पनि ६.०७% ले बढेर ३० करोड ८० लाख १ हजार रुपैयाँमा आएको छ । अघिल्लो वर्ष यसको बिमा कोषमा २९ करोड ३ लाख७१ हजार रुपैयाँ थियो । यो असारमसान्तसम्म संस्थाले खुद बिमा शुल्क ३७.८१ प्रतिशतले बढोत्तरी गरी ३१ करोड ८० लाख २२ हजार रुपैयाँ पुर्याएको छ । अघिल्लो वर्ष यसको बिमा कोषमा २३ करोड ७ लाख ५२ हजार रुपैयाँमात्र थियो ।
यो चैतमसान्तसम्ममा कम्पनीले २२ करोड ३८ लाख ३१ हजार रुपैयाँ कुल दाबी भुक्तानी गरेको छ भने भुक्तानी हुन बाँकी रकम ४३ करोड ४ लाख २८ हजार रुपैयाँ रहेको छ । कम्पनीको प्रतिसेयर आम्दानी ३ रुपैयाँ ३२ पैसा र प्रतिसेयर नेटवर्थ १३७ रुपैयाँ ९४ पैसा विवरणमा उल्लेख छ ।
