धनगढी । निषेधाज्ञाको १३ औँ दिन धनगढी सुनसान देखिएको छ । बिहानको समयमा सर्वसाधरणको चहलपहल अत्याधिक देखिएको भएतानि दिउँसोको समयमा भने बजार पुर्ण रुपमा बन्द हुँदा धनगढी सुनसान देखिएको हो ।

गत भदौ ४ गते कोरोना भाइरस (कोभिड १९) संक्रमणको जोखिमलाई मध्यनजर गर्दै कैलालीमा जारी गरिएको निषेधाज्ञामा पुन ५ दिन थप गर्दै भदौ १९ गतेसम्म पुर्याइएको छ । यसबीच अत्यावश्यक (खाद्यान्न,औषधी,दुग्धजन्य) काम बाहेकका सबै सेवा पुर्ण रुपमा बन्द गरिएका छन् । लगातारको बन्द र निषेधाज्ञाका कारण व्यापारीहरु ठुलो मर्कामा परेका छन् । पछिल्लो समय धनगढीका अधिकांश सटरहरुमा सटर भाडामा छ वा पसल बिक्रिमा छ लगाएका ब्यानर पनि देखिन थालेका छन् ।

कोरोना भाइरसको त्रास र सरकारले गरेको निषेधाज्ञा कहिलेसम्म रहने भन्ने कुराको टुँगो नलागेका बेला व्यापारीहरु समस्यामा परेका छन् । धनगढीमा देखिएको सुनसान माहोलसँगै बन्द व्यापार व्यवसाय ! हेर्नुहोस् फोटो फिचरमा…