">
काठमाडौँ । मंगोलियन भाषामा लगाइएको प्रतिबन्धविरुद्ध चीनमा प्रदर्शन बेइजिङ । उत्तरी चीनमा मंगोलियाली भाषाको शिक्षामाथि प्रतिबन्ध लगाउने निर्णयविरुद्ध मंगोलहरुले विरोध प्रदर्शन गरेका छन् । मंगलबारदेखि नयाँ शैक्षिक सत्र सुरु भए पनि अभिभावकरुले उक्त नीतिको विरोधस्वरुप बच्चाहरुलाई विद्यालय भर्ना गरेका छैनन् । चीन सरकारले जारी गरेको नियम अन्तर्गत भित्री मंगोलियामा तीन विषयमा अनिवार्य चिनियाँ औपचारिक भाषा मेन्डारिनमा पढाउनु पर्नेछ ।
धेरै जातीय मंगोलियनहरू यो कदमलाई तिनीहरूको सांस्कृतिक पहिचानको लागि खतरा ठान्छन् । चिन सरककारले परिवर्तन गरेको यस नियमको विरोधमा विद्यार्थी र अभिभावकको ठूलो संख्यामा उपस्थित भएका थिए । साताको सुरुवातबाट विभिन्न सहरहरुमा सरकारविरुद्धका प्रदर्शनहरु सुरु भएका छन् ।
“हाम्रो भाषा मंगोलियाई हो, र हाम्रो मातृभूमि सदाको लागि मंगोलिया हो ! हाम्रो मातृभाषा मंगोलियाई हो, र हामी आफ्नो मातृभाषाको लागि मर्नेछौं !” हालसालै भएको एउटा विरोध प्रदर्शनमा विद्यार्थीहरूले अमेरिकी सरकारले वित्त पोषित ब्रोडकास्टर रेडियो फ्री एशियासँग भने ।
यसविरुद्ध महिलाहरुले सामूहिक हस्ताक्षर संकलन गरेर मंगोलियनहरुको भाषामार्फत नै पढाउन पाउनुपर्ने दबाब दिने भएका छन् । त्यसैगरी युवाहरुले सामाजिक सञ्जालमार्फत सरकारको आलोचना गरेका छन् ।
चिनियाँ विद्यालयहरुमा तीन विषयहरू राजनीति, इतिहास र भाषा र साहित्य – मंगोलियालीबाट मेन्डारिन भाषामा पढाउनुपर्ने नियम बनाइएको छ । यसअघि जातीय अल्पसंख्यकहरुले आफ्नो मातृभाषामा पढाउँदै आएका थिए ।
दक्षिणी मंगोलियन मानवाधिकार सूचना केन्द्र, न्यु योर्कमा आधारित एउटा सक्रिय समूहले यस क्षेत्रभरि आक्रोशपूर्ण प्रदर्शनहरु भएको जनाएक छ । धेरै अभिभावकहरूले स्कूल खुलेपछि मात्रै यो नीतिबारे जानकारी पाएका थिए । विद्यालय भर्ना गरिसकेपछि मात्रै अभिभावकहरुले थाहा पाएपछि आफ्नो विद्यार्थी भर्ना रोक्ने र विद्यालय पठाउनबाट रोक्ने गरेका थिए ।
“सयौं प्रहरीहरूले आफ्ना बच्चा फिर्ता लिन गएका अभिभावकलाई विद्यालयको छात्रावासभित्र प्रवेश गर्नबाट रोकेका छन् । केही घण्टा अवरोधपछि र रस्साकस्सीपछि अभिभावकहरूले अन्ततः पुलिसको ब्यारेकेड तोडेर आफ्ना बच्चाहरूलाई फिर्ता लिएका थिए । -पब्लिक न्युज एजेन्सी
