">
काठमाडौँ । अष्ट्रेलियाले आफ्नो पहिलो विदेशी हस्तक्षेपसम्बन्धी अनुसन्धानको अदालतमा बुझाइएको डकुमेन्टमा विदेशी राज्य चिनको नाम लिएको छ । चीनले विदेशी हस्तक्षेप गरेको भन्दै अदालतमा उक्त डकुमेन्ट पेश गरेको छ ।
तर, बेइजिङले भने उक्त आरोपलाई चीनविरोधी कदमको रुपमा आएको भन्दै आरोप अस्वीकार गरेको छ । अस्ट्रेलिया र यसको सबैभन्दा ठूलो व्यापारिक साझेदार चीनबीचको सम्बन्ध पछिल्लो समय बिग्रिँदै गएको छ । अस्ट्रेलियाको राजनीमा चीनले हस्तक्षेप गरेको अस्ट्रेलियाको आरोप छ।तर, चीनले लगातार अस्ट्रेलियाले लगाएका आरोपहरूको खण्डन गरेको छ ।
अष्ट्रेलियाको संघीय प्रहरी र अष्ट्रेलियाको सुरक्षा तथा खुफिया संगठन (एएसआईओ) ले न्यू साउथ वेल्स (एनएसडब्ल्यू) का राजनीतिज्ञ र उनका कर्मचारीलाई चिनियाँ गतिविधिमा संलग्न भएको भन्दै जुन २ मा कार्याालयमा छापा हानेको थियो । तर, उक्त व्युरोले ती राजनीतिज्ञको चीनसँगको साँठगाँठ भए-नभएको खुलाएको छैन । तर अदालतले प्रहरीले प्रयोग गरेको सर्च वारन्टले विदेशी प्रधानलाई चीन सरकारको रूपमा चिनाउने जनाएको छ ।
एनएसडब्ल्यू लेबर पार्टीका राजनीतिज्ञ शाओक्वेट मोसेल्मनेका लागि काम गर्ने जोङ झाङले उच्च अदालतलाई उनको घर, व्यवसाय र मोसेल्मेको संसद कार्यालयका लागि जारी गरेको सर्च वारन्ट खारेज गर्न आग्रह गरेका छन् ।
अस्ट्रेलियाका सलिसिटर-जनरल स्टीफन डोनाघुले हस्ताक्षर गरेको सरकारी अदालतको कागजात, सुरक्षा कारणका लागि चीनमा काम गर्ने अष्ट्रेलियाली पत्रकारहरूलाई चेतावनी दिएका एक दिन पछि पेश गरिएको थियो । चीनले अन्य देशको आन्तरिक मामिलामा हस्तक्षेप नगरेको चिनियाँ विदेश मन्त्रालयका प्रवक्ता वांङ वेनबिनले बताएका छन् । -पब्लिक न्यु एजेन्सी
