• अर्थ सरोकार सम्बाददाता 

काठमाडौैं । खाद्य व्यवस्था तथा व्यापार कम्पनी लिमिटेडले यस वर्षको दशैंमा झन्डै ६ करोड बराबरको खसी, बोका र सय च्याङ्ग्रा ल्याउने तयारी गरेको छ । जसमा खाद्यले १६ सय खसी, बोका र १४ सय च्याङ्ग्रा खरिद गर्नको लागि ५ करोड ९९ लाख रूपैयाँ बजेट छुट्याएको हो ।

कम्पनीका प्रमुख नेत्र प्रसाद सुवेदीले कोरोना संक्रमणको जोखिमकैबीच पनि आपूर्ति व्यवस्थालाई निरन्तरता दिन र केही हदसम्म भएपनि बजारलाई नियन्त्रण गर्न उक्त तयारी भएको बताए । सुवेदीले खसी, बोका र च्याङ्ग्रा कहाँ–कहाँबाट ल्याउन भन्ने विषयमा छलफल भइरहेको पनि बताए । गत वर्ष कम्पनीले च्याङ्ग्रा मुस्ताङबाट र खसी–बोका हेटौंडा र दाङबाट ल्याएको थियो।