• अर्थ सरोकार सम्बाददाता 

काठमाडौं । जनरल इन्स्योरेन्स कम्पनीले ३० लाख कित्ता आइपिओ जारी गर्ने भएको छ । कम्पनीलाई उक्त आइपिओ जारी गर्न नेपाल धितोपत्र बोर्डबाट अनुमति प्राप्त गरेको छ । कम्पनीले प्रतिकित्ता १०० रुपैयाँ अंकित मूल्यको ३० करोड रुपैयाँ बराबरको आइपीओ जारी गर्न बोर्डले अनुमति दिएको हो । बोर्डले अनुमति दिएपछि आइपीओ निष्कासनका थप प्रक्रिया अघि बढ्नेछ ।

यसमा बिक्री प्रबन्धकको काम एनआइबीएल एस क्यापिटलले गर्दैछ । हाल जनरल इन्सुरेन्सको अधिकृत पुँजी २ अर्ब रुपैयाँ, जारी पुँजी १ अर्ब र चुक्ता पुँजी ७० करोड रुपैयाँ रहेको छ । आइपीओपछि चुक्ता पुँजी १ अर्ब रुपैयाँ पुग्नेछ ।